ГОСУДАРСТВЕННОЕ БЮДЖЕТНОЕ УЧРЕЖДЕНИЕ РЕСПУБЛИКИ МОРДОВИЯ "РЕДАКЦИЯ ГАЗЕТЫ"ЭРЗЯНЬ ПРАВДА»
Кадык гайги тиринь келесь весе масторонок келес!/ Пусть звучит наш родной язык по всей стране!
«Национальный колорит»
Кадык гайги тиринь келесь весе масторонок келес!
Московсо васенцеде ютавтовсь Эрзянь ды мокшонь кельтнень весероссиянь чись
Исторической мероприятият ютасть апрелень 18-це чистэ Московонь ВДНХ-со «Рос сия» раськеютконь выставкасонть-форумсонть. Васняяк, минек Эрзянь ды мокшонь кельтнень чись васенцеде ютавтовсь тиринь масторонь прявт ошсо, омбоцекс, Эрзянь мокшонь раськень регионъютконь общественной вейсэндявксонь Исполкомонь промк сось истя жо васенцеде пурназель ды ютавтозель Московсо, ды аволь косояк, масто ронь сехте покш выставкасонть, минек региононь стендэнть вакссо.
75-це павильононтень пурнавкшность аволь ансяк вейсэндявксонтень совицятне, истя жо ламо эрзят ды мокшот минек масторонь кемень регионтнэстэ ды истя жо Москов ды Санкт-Петербург оштнестэ. Весе сакшность те кенярксчинть тешкстамо ды вейке-вейкень марто вастовомо. Кутморямот, мизолдомат, снимсевтемат, морот, киштемат, эрзянь ды мокшонь кельтне чудезь чудсть выставканть келес. Малав весе сакшность эсест мазыйдеяк мазый раськень оршамопельсэ. Мордовиянь региононь выставканть вакссо анокстазельть викшнемань ды налкшкень теемань коряс мастер-класст, М.Е. Евсевьев лемсэ Мордовиянь педагогической университетэсь анокстась эрзянь ды мокшонь кельтнень тонавтомань урокт, тонавтомань учебникень выставка, раськень оршамосо студенткатне секе-тев лиснесть киштеме Инечувтонть икеле морыцятнень мельга, конатнень ютксо ульнесть Московсо Мордовиянь Землячествань «Азорава» ды «Эряма» ансамблятне ды минек республикань «Меремась», прявтось – Екатерина Модина.
Башка выставка анокстакшнось Мордовиянь книгань издательствась, конась ускокшнось кавто кельсэ ламо художественной ды тонавтомань литература. Инжетне мельспаросо рамсесть неть книгатнень, истя жо макссть вайгелест Саранск ошонь территориятнень кис, косо арсеви теемс витнемат-петнемат. Тень кисэ явшевсть натой казнеть.
Исполкомонь промксось ютавтозель покш чинть торжественной панжомадонть икеле. Эрзянь, мокшонь раськень вейсэндявксонь прявтось Юрий Мишанин кортась седе, кода Тиринь кельтнень чись ютавтовсь Мордовиясо, кодат анокстамот молить октябрянь 9–11-це читнестэ ютавтовиця Инекужонтень. Сонзэ темакс кармить эрзянь-мокшонь раськень неень шкань вейсэндявомась ды кудораськетнень койтне-кирдатне. 40 регионтнэстэ, косо улить минек раськень диаспорат, весемезэ арсеви тердемс, кода ниле иеде теде икелеяк, малав 500 делегатт.
Кие эштё а соды, апрелень 17-це чистэ Эрзянь ды мокшонь весероссиянь чинть кувалма Республикань Кудосо Мордовиянь Прявтось Артём Здунов пурнакшнынзе вейс национальной НКО-нь прявттнэнь, журналисттнэнь, образованиянь ды культурань роботниктнень, исполкомонь члентнэнь. Республикань руководителесь ёвтась поздоровт покш чинть кувалма, тешкстынзе эрзянь ды мокшонь кельтнень эрявиксчист, сынст келейстэ тонавтнемаст ды тонавтомаст, эрямонь весе лувтнес совавтомаст. Сон ёвтась сюкпрянь валт пурнавозтненень сень кисэ, што сынь важодить сехте питнеенть лангсо – минек кельтнень, культуранть, эйкакштнень кисэ. «Минек туртов пек паро, што Мордовиянть ули эсензэ алкуксонь кенярксчизэ. Аштетяно каштанчисэ историянок кувалма ды важодтяно раськенек ойменть ванстоманзо кисэ!» – мерсь Прявтось.
Вастовоманть шкасто вал максозель Эрзянь ды мокшонь раськень вейсэндявксонь прявтонтень Юрий Мишаниннэнь, конась кортась стимулирующей пандоматнень кастомадо сеть важодицятненень, конат сюлмавозь эрзянь ды мокшонь кельтнень марто. Н.П. Огарёв лемсэ МГУ-нь филологиянь факультетэнь деканось Иван Рябов ёвтнесь кельтнень электронной корпусонь анокстамодо ды невтинзе рузонь кельстэ эрзякс ютавтыця чат-ботонть васенце эскельксэнзэ. «Эрзянь правдань» прявт редакторось Марина Девятова кортась седе, кода национальной газетатне невтить пряст неень шкань информационной пространствасонть. Эсь важодемадост истя жо кортасть журналисттнэ Ольга Евдокимова, Ольга Чернова, МР-нь Госсобраниянь депутатось Евгений Ледяйкин.
Вастовоманть шкасто Артём Здунов мельспаросо вастызе меленть кармамс сёксня ютавтовиця Инекужонь оргкомитетэнь прявтокс. Ваннозельть зярыя лия кевкстематкак. Седе тов весенень невтезель «Степан Эрьзя. Долгий путь домой» документально-художественной фильмань премьерась.
Велявттано таго Московонь ВДНХ-нь 75-це павильонов, косо Культурань проекттнэнь зонасонть апрелень 18-це чистэ ютавтовсь Эрзянь ды мокшонь кельтнень чинтень алтазь торжественной мероприятиясь. Программась ютась «Мордовские языки в информационном пространстве» теманть коряс ды тердезь весе инжетне кортасть эрзянь ды мокшонь кельтнень неень шкасто ванстомадо ды виевгавтомадо. Ветясть сонзэ журналистэсь, эрзянь келень тонавтыцясь Александр Данильчев ды мокшонь блогерэсь Оксана Белкина, конатне наряжакшность пек мазый раськень оршамосо. Сынь кортасть колмо кельтнесэ: эрзякс, мокшокс ды рузокс.
Покш чинтень сакшность РФ-нь Федерациянь Советэнь сенаторось Пётр Тултаев, Государственной Думань депутатось Юлия Оглоблина, МР-нь культурань, раськень политикань ды архивень тевень министрась Светлана Баулина, Госсобраниянь Председателень полавтыцясь Сергей Вдовин, ВГТРК-нь гендиректоронь полавтыцясь Рифат Сабитов, Эрзянь ды мокшонь вейсэндявксонь прявтось Юрий Мишанин ды лият. Панжизе промксонть Светлана Баулина, конась ловнызе вастовомань участниктненень Мордовиянь Прявтонть Артём Здуновонь Шумбракстнеманзо. Седе тов явшезельть казнеть исполкомонь сехте эряза члентнэнень, конатне ламо тейсть эрзянь ды мокшонь кельтнень, культуранть, койтнень-кирдатнень ванстомга. Казезтнень ютксо НКО-нь прявттнэ: Челябасто – Ольга Лысенко, Нижней Новгородсто – Елена Панова, Татарстансто – Наталья Сабитова, Саратовасто – Валентина Кривошеева, Московсто – ансамблянь прявтось Елена Широкова, Мордовиясто – тонавтыцятне Александра Клементьева, Лариса Пискайкина, Людмила Моисеева, Московсто – «Эх, мордовочка!» фольклорной коллективесь, морыцятне Вера Каяцкая, Елена Помозова (Алямкина).
Мейле тиринь мокшонь кельсэ кортась Пётр Тултаев, конась тешкстась: «Тиринь кельтне – сехте покш сюпавчинек! Эрзянь ды мокшонь кельтне гайгить тежадо ламо иеть. Минек тиринь кельтненень неень шкане а пек шожда, теке марто сынст кисэ аштемстэ, ванстомсто, кемекстамсто минь чарькодтяно, кода эрявикст раськетнень ютксо ялгаксчись ды ладямось. Минек кельтне эрить тёжат иеть ды кармить эрямо мезеяк лангс апак вано!»
Юрий Мишанин ёвтнесь седе, кодат газетат ды журналт нолдавить Мордовиясо эрзянь ды мокшонь кельтнесэ, тешкстызе, васенце газетатне тиринь кельсэ нолдазельть 102 иеде икеле самай Москов ошсо национальной интеллигенциянть вийсэ; зяро част максовить школатнесэ неть кельтнень ветямс, тешкстызе, республикасонть важоди башка государственной программа, конась ладязь ванстомс ды кемекстамс тиринь кельтнень. «Минек туртов рузонь келесь истя жо тиринь кель, ансяк эрзянсесь ды мокшонсесь – те минек тетянь-авань кель ды сынст ванстомась – те минек раськень мельванома, васенце тевенек – ванстомс ды келейгавтомс кельтнень улеманть неень шкань эрямосонть, а максомс тенст ёмамс», – тешкстась сон.
Торжественной промкстонть мейле весе инжетненень невтезель концерт. Морасть «Мерема» ды «Умарина» минек содавикс ансамблятне. Покш чись прядовкшнось, ансяк сонзэ инжетнень овсе арасель мелест явовомс, весе пурнавкшность вейс, кортнесть, ледстнесть, арсесть од плант, проектт, вастовомат…
Марина Девятова
Московсо васенцеде ютавтовсь Эрзянь ды мокшонь кельтнень весероссиянь чись
Исторической мероприятият ютасть апрелень 18-це чистэ Московонь ВДНХ-со «Рос сия» раськеютконь выставкасонть-форумсонть. Васняяк, минек Эрзянь ды мокшонь кельтнень чись васенцеде ютавтовсь тиринь масторонь прявт ошсо, омбоцекс, Эрзянь мокшонь раськень регионъютконь общественной вейсэндявксонь Исполкомонь промк сось истя жо васенцеде пурназель ды ютавтозель Московсо, ды аволь косояк, масто ронь сехте покш выставкасонть, минек региононь стендэнть вакссо.
75-це павильононтень пурнавкшность аволь ансяк вейсэндявксонтень совицятне, истя жо ламо эрзят ды мокшот минек масторонь кемень регионтнэстэ ды истя жо Москов ды Санкт-Петербург оштнестэ. Весе сакшность те кенярксчинть тешкстамо ды вейке-вейкень марто вастовомо. Кутморямот, мизолдомат, снимсевтемат, морот, киштемат, эрзянь ды мокшонь кельтне чудезь чудсть выставканть келес. Малав весе сакшность эсест мазыйдеяк мазый раськень оршамопельсэ. Мордовиянь региононь выставканть вакссо анокстазельть викшнемань ды налкшкень теемань коряс мастер-класст, М.Е. Евсевьев лемсэ Мордовиянь педагогической университетэсь анокстась эрзянь ды мокшонь кельтнень тонавтомань урокт, тонавтомань учебникень выставка, раськень оршамосо студенткатне секе-тев лиснесть киштеме Инечувтонть икеле морыцятнень мельга, конатнень ютксо ульнесть Московсо Мордовиянь Землячествань «Азорава» ды «Эряма» ансамблятне ды минек республикань «Меремась», прявтось – Екатерина Модина.
Башка выставка анокстакшнось Мордовиянь книгань издательствась, конась ускокшнось кавто кельсэ ламо художественной ды тонавтомань литература. Инжетне мельспаросо рамсесть неть книгатнень, истя жо макссть вайгелест Саранск ошонь территориятнень кис, косо арсеви теемс витнемат-петнемат. Тень кисэ явшевсть натой казнеть.
Исполкомонь промксось ютавтозель покш чинть торжественной панжомадонть икеле. Эрзянь, мокшонь раськень вейсэндявксонь прявтось Юрий Мишанин кортась седе, кода Тиринь кельтнень чись ютавтовсь Мордовиясо, кодат анокстамот молить октябрянь 9–11-це читнестэ ютавтовиця Инекужонтень. Сонзэ темакс кармить эрзянь-мокшонь раськень неень шкань вейсэндявомась ды кудораськетнень койтне-кирдатне. 40 регионтнэстэ, косо улить минек раськень диаспорат, весемезэ арсеви тердемс, кода ниле иеде теде икелеяк, малав 500 делегатт.
Кие эштё а соды, апрелень 17-це чистэ Эрзянь ды мокшонь весероссиянь чинть кувалма Республикань Кудосо Мордовиянь Прявтось Артём Здунов пурнакшнынзе вейс национальной НКО-нь прявттнэнь, журналисттнэнь, образованиянь ды культурань роботниктнень, исполкомонь члентнэнь. Республикань руководителесь ёвтась поздоровт покш чинть кувалма, тешкстынзе эрзянь ды мокшонь кельтнень эрявиксчист, сынст келейстэ тонавтнемаст ды тонавтомаст, эрямонь весе лувтнес совавтомаст. Сон ёвтась сюкпрянь валт пурнавозтненень сень кисэ, што сынь важодить сехте питнеенть лангсо – минек кельтнень, культуранть, эйкакштнень кисэ. «Минек туртов пек паро, што Мордовиянть ули эсензэ алкуксонь кенярксчизэ. Аштетяно каштанчисэ историянок кувалма ды важодтяно раськенек ойменть ванстоманзо кисэ!» – мерсь Прявтось.
Вастовоманть шкасто вал максозель Эрзянь ды мокшонь раськень вейсэндявксонь прявтонтень Юрий Мишаниннэнь, конась кортась стимулирующей пандоматнень кастомадо сеть важодицятненень, конат сюлмавозь эрзянь ды мокшонь кельтнень марто. Н.П. Огарёв лемсэ МГУ-нь филологиянь факультетэнь деканось Иван Рябов ёвтнесь кельтнень электронной корпусонь анокстамодо ды невтинзе рузонь кельстэ эрзякс ютавтыця чат-ботонть васенце эскельксэнзэ. «Эрзянь правдань» прявт редакторось Марина Девятова кортась седе, кода национальной газетатне невтить пряст неень шкань информационной пространствасонть. Эсь важодемадост истя жо кортасть журналисттнэ Ольга Евдокимова, Ольга Чернова, МР-нь Госсобраниянь депутатось Евгений Ледяйкин.
Вастовоманть шкасто Артём Здунов мельспаросо вастызе меленть кармамс сёксня ютавтовиця Инекужонь оргкомитетэнь прявтокс. Ваннозельть зярыя лия кевкстематкак. Седе тов весенень невтезель «Степан Эрьзя. Долгий путь домой» документально-художественной фильмань премьерась.
Велявттано таго Московонь ВДНХ-нь 75-це павильонов, косо Культурань проекттнэнь зонасонть апрелень 18-це чистэ ютавтовсь Эрзянь ды мокшонь кельтнень чинтень алтазь торжественной мероприятиясь. Программась ютась «Мордовские языки в информационном пространстве» теманть коряс ды тердезь весе инжетне кортасть эрзянь ды мокшонь кельтнень неень шкасто ванстомадо ды виевгавтомадо. Ветясть сонзэ журналистэсь, эрзянь келень тонавтыцясь Александр Данильчев ды мокшонь блогерэсь Оксана Белкина, конатне наряжакшность пек мазый раськень оршамосо. Сынь кортасть колмо кельтнесэ: эрзякс, мокшокс ды рузокс.
Покш чинтень сакшность РФ-нь Федерациянь Советэнь сенаторось Пётр Тултаев, Государственной Думань депутатось Юлия Оглоблина, МР-нь культурань, раськень политикань ды архивень тевень министрась Светлана Баулина, Госсобраниянь Председателень полавтыцясь Сергей Вдовин, ВГТРК-нь гендиректоронь полавтыцясь Рифат Сабитов, Эрзянь ды мокшонь вейсэндявксонь прявтось Юрий Мишанин ды лият. Панжизе промксонть Светлана Баулина, конась ловнызе вастовомань участниктненень Мордовиянь Прявтонть Артём Здуновонь Шумбракстнеманзо. Седе тов явшезельть казнеть исполкомонь сехте эряза члентнэнень, конатне ламо тейсть эрзянь ды мокшонь кельтнень, культуранть, койтнень-кирдатнень ванстомга. Казезтнень ютксо НКО-нь прявттнэ: Челябасто – Ольга Лысенко, Нижней Новгородсто – Елена Панова, Татарстансто – Наталья Сабитова, Саратовасто – Валентина Кривошеева, Московсто – ансамблянь прявтось Елена Широкова, Мордовиясто – тонавтыцятне Александра Клементьева, Лариса Пискайкина, Людмила Моисеева, Московсто – «Эх, мордовочка!» фольклорной коллективесь, морыцятне Вера Каяцкая, Елена Помозова (Алямкина).
Мейле тиринь мокшонь кельсэ кортась Пётр Тултаев, конась тешкстась: «Тиринь кельтне – сехте покш сюпавчинек! Эрзянь ды мокшонь кельтне гайгить тежадо ламо иеть. Минек тиринь кельтненень неень шкане а пек шожда, теке марто сынст кисэ аштемстэ, ванстомсто, кемекстамсто минь чарькодтяно, кода эрявикст раськетнень ютксо ялгаксчись ды ладямось. Минек кельтне эрить тёжат иеть ды кармить эрямо мезеяк лангс апак вано!»
Юрий Мишанин ёвтнесь седе, кодат газетат ды журналт нолдавить Мордовиясо эрзянь ды мокшонь кельтнесэ, тешкстызе, васенце газетатне тиринь кельсэ нолдазельть 102 иеде икеле самай Москов ошсо национальной интеллигенциянть вийсэ; зяро част максовить школатнесэ неть кельтнень ветямс, тешкстызе, республикасонть важоди башка государственной программа, конась ладязь ванстомс ды кемекстамс тиринь кельтнень. «Минек туртов рузонь келесь истя жо тиринь кель, ансяк эрзянсесь ды мокшонсесь – те минек тетянь-авань кель ды сынст ванстомась – те минек раськень мельванома, васенце тевенек – ванстомс ды келейгавтомс кельтнень улеманть неень шкань эрямосонть, а максомс тенст ёмамс», – тешкстась сон.
Торжественной промкстонть мейле весе инжетненень невтезель концерт. Морасть «Мерема» ды «Умарина» минек содавикс ансамблятне. Покш чись прядовкшнось, ансяк сонзэ инжетнень овсе арасель мелест явовомс, весе пурнавкшность вейс, кортнесть, ледстнесть, арсесть од плант, проектт, вастовомат…
Марина Девятова
Оставить голос за конкурсанта