2024 год – год Семьи. В нашей республике очень много людей, которые сохраняют и передают подрастающему поколению культуру предков, их обычаи и обряды. Они через песни, танцы да различные музыкальные инструменты раскрывают особенность нашего народа, его духовное богатство.
Сегодняшний гость нашей страницы – семейный ансамбль Петровых и Русановых. Создание этого коллектива задумала Ираида Русанова, активная женщина, жительница деревни Ушуттур Моркинского района, родная сестра Юрия Русанова, руководителя, общественника, поэта и журналиста.
Ираида Петровна, дочь Наташа и внучка Оля играют на барабане, зять Володя – на гармошке, внучка Юля – на домре. И все поют марийские народные песни. Дети получают музыкальное образование – старшая учится в консерватории им. Н.Г.Жиганова в Казани, младшая – Колледже культуры и искусств им. И.С.Палантая в отделении «Народный вокал».
Благодаря тому, что в семье всегда царит народная традиция, она передается из поколения в поколение, укрепляется род, а значит будет сильна Россия.

Ираида Петровна с детства любила петь. Это заметила методист Моркинского Дома культуры Дина Павлова, которая предложила ей создать семейный ансамбль. Это предложение понравилось ей как участинце ансамбля «Ушут сем», и она со своей внучкой Олей первый раз выступила на сцене Весшургинского Дома культуры.
– В 2017 году мы впервые вышли на сцену как семейный ансамбль в Моркинском доме культуры на концерте, посвященном празднованию 90-летия Моркинского района. Я, дочь Наташа и внучка Оля – на барабане, зять Володя – на гармоне, внучка Юля – на домре играли и пели, - вспоминает Ираида Петровна. – Тогда каждое поселение готовило свою программу. И мы показали свое мастерство на концерте в Себеусадском поселении.
На следующий год наш семейный ансамбль выступил на сцене национального театра им. М.Шкетана. Там проходил вечер, посвященный памяти Юрия Петровича Русанова, приуроченный его 50-летию. И там выступали с барабаном, гармошкой, пели частушки. Затем этот коллектив на сцене видели нечасто, но над пополнением репертуара они работали постоянно.
– В прошлом году в Моркинском доме культуры прошло мероприятие, посвященное 55-летию брата. Вспоминая его доброе имя, и мы не смогли не выйти на сцену. Тогда вместе с нами дочь Наталья выступала со своей семьёй: пели внучки Оля и Вера, а Юля играла на домре. Оля исполнила песню «Плачет небо», написанное на стихотворение Юрия Петровича, что горячо было принято всей залом. Если брат слышал эту песню, несомненно, обрадовался бы, - со слезами на глазах сказала Ираида Владимировна.
Потом было приглашение участвовать совместно с делегацией Моркинского района в Йошкар-Оле, на праздновании Пеледыш пайрем, который является межрегиональным. И здесь семейный ансамбль показал высокий творческий уровень.
– В прошлом году проводилось очень много мероприятий. После Пеледыш пайрема вместе с ансамблями «Ушут сем» и семейным ансамблем участвовали в фестивале «Творцы и хранители», который проводился в Новоторъяльском районе, демонстрировали марийские национальные угощения. В номинации «Лучшая национальная кухня» стали лауреатами третьей степени. Безусловно, такая победа окрыляет и воодушевляет на следующее участие и укрепляет в мысли, что надо подрастающее поколение «выводить на сцену», - отметила Наташа.
Н.Петрова работает воспитателем в детском садике №15 «Елочка» г. Йошкар-Ола, учит танцевать малышей. Для этого она специально получила дополнительную специальность. После работы в свободное время из атласа и капрона «вышивает» панно. Иногда ездит в деревню Изнур на репетиции ансамбля «Ушут сем» в дом культуры. Специально для этого несколько лет тому назад отучилась и получила водительские права.
В семье дочери Ираиды Петровны Наташи также все очень талантливые, поэтому собрать семейный ансамбль было не так сложно.
Наталья Петрова, как и её мать, с детства любила петь и плясать. И в детском садике, и в школе все знали о её артистических данных, поэтому она была самой активной участницей детского ансамбля, собранного при местном клубе.
– Однажды учитель марийского языка и литературы Зинаида Сергеевна Галкина попросила подготовить сценку по мотивам рассказа. Вместе с друзьями с удовольствием сыграли, и костюмы сами сшили. Этот спектакль должны были поставить в другой школе, но вдург заболела, поэтому не смогли поехать,- говорит Наташа.
После окончания школы она хотела поступить на хореографа в колледж культуры и искусств имени И.С.Палантая. Но из-за непредвиденных обстоятельств не поступила, пришлось выучиться на продавца. Затем стала работать в Морках.
И тогда Н.Петрова не смогла усидеться, стала участницей ансамбля «Рвезылык».
- Из нашего колхоза «Дружба» в этом ансамбле танцевал парень, он же пригласил меня в ансамбль. Там мне понравился один парень, высокого роста, с темными волосами. Это был Володя и деревни Кокрем, работал в Моркинском РТП (ремонтно-тракторное предприятие), - разоткровенничала Наташа. – Через некоторое время мы стали встречаться.
Молодые люди много танцев вместе станцевали. Дружили полгода, затем сыграли свадьбу. И также вместе танцевали в ансамбле.
– Когда вышла замуж, в их доме увидела гармонь и баян. И так обрадовалась! Его отец, два старших и один младший братья играли на музыкальных инструментах. В каждый праздник семья собиралась вместе, играли, пели, плясали, – вспоминает Наталья.
– Когда мне было пять лет, я видела, как играет мой отец, тогда задумалась – хочу быть таким же мастером. Садилась напротив зеркала, нажимала на клавиши и пела: «Мячик маленький пинаем…».
В разговор включается Владимир Иванович:
– Оба брата талантливые гармонисты. Я научился играть на гармони, наблюдая за ними. И мой младший брат хорошо играет.
Эту талантливую пару часто приглашали на свадьбу. Мужчина играл на гармошке, а жена плясала. Н.Петрова очень хорошо поёт частушки, голос звонкий, сильный. А частушек сколько знает!
– Играть на гармошке, петь, плясать очень люблю, поэтому еще в молодости загадывал, чтобы и жена моя такая же была, – смеётся Володя.
– За исполнением песни Наташи очень легко подобрать мелодию.
Когда у Натальи и Володи дочь Юля пошла в первый класс, семья переехала в Йошкар-Олу. Дочь любила петь, поэтому поступила учиться в Национальную президентскую школу-интернат, занималась по классу домра. Затем продолжила учёбу в Колледже культуры и искусств им. И.С.Палантая , в это же время играла в инструментальном оркестре «Марий кундем». Сейчас она учится в консерватории им. Н.Г.Жиганова в Казани.
Дочь Ола любит и петь, и плясать. Во время учебы в национальной гимназии № 14 г.Йошкар-Ола ходила в ансамбль «Изи памаш». А сегодня учится в Колледже культуры и искусств им. И.С.Палантая в отделении «Народный вокал», также танцует в ансамбль «Эрвел марий». Мы знаем, недавно этот ансамбль участвовал в Москве, в ВДНХ на выставке-форуме «Россия» и защищал честь Республики Марий Эл. Оля считает это мероприятие одним из самых запоминающихся.
– Оля поет всегда и везде: в лесу, когда собирает ягоды, и раньше всех набирает ведро, и успевает не только петь, но и поплясать, и побегать. Приходится только удивляться, радуясь характеру дочери, с гордостью рассказывает мать.
– Такой голос, как у Оли, встречается редко, может петь и эстрадные песни, говорят преподаватели. Сейчас еще учится играть на гуслях.
Вера учится в школе № 10 г. Йошкар-Ола, очень любит петь. Чтобы развивать профессиональное мастерство, учится в школе искусств при Колледже культуры и искусств.
Вот он какой семейный ансамбль талантливых людей, выходцев из Моркинского района! Выступает на разных праздниках, фестивалях, конкурсах, показывает не только свое мастерство, но знакомит с обычаями и обрядами, музыкальными инструментами, а также не забывает тех людей, которые являются гордостью земли марийской.

Несколько частушек из их репертуара:
Посмотрите на мою голову, посмотрите на мою голову,
Свой цветастый платок я повязала.
Посмотрите на моё застолье, посмотрите на моё застолье,
Самые близкие родственники приехали.

Один говорит по-одному,
Другой говорит по-другому.
Мы не слушаем никого,
Мы живём по-своему.



2024 ий – Еш идалык. Кугезына-влакын тӱвырашт ден йӱлаштым, ыштыш-кучышыштым аралыше да нуным кушкын толшо тукымлан палдарыше еш-влак республикыштына ятыр. Нуно калыкнан ойыртемжым, шӱм-чон поянлыкшым муро, куштымаш да тӱрлӧ семӱзгарын семже гоч почын ончыктат.
Лаштыкнан тачысе унаже – Петровмыт ден Русановмыт еш ансамбль.
Ты коллективым чумыраш Морко район Ӱшӱттӱр ялыште илыше чолга ӱдырамаш, вуйлатыше, мер пашаеҥ, поэт да журналист Юрий Русановын Ираида акажын шонымашыже лийын. Ираида Петровнан изинекак мураш йӧратыше улмыжым Морко тӱвыра пӧртын методистше Дина Павлова ужын, шижын шуктен да еш ансамбльым чумыраш темлен. Ты шонымаш «Ӱшӱт сем» ансамбльын участницыжлан келшен да икымше гана Весшӱргӧ тӱвыра пӧртын сценыштыже Оля уныкаж дене такмак-влакым муреныт.
– 2017 ийыште Морко тӱвыра пӧртыштӧ Морко районлан 95 ий темме лӱмеш эртарыме концертыште еш ансамбль семын калык ончыко лектынна. Тӱмырым пералтен, Наташа ӱдырем да Оля уныкам дене муренна, Володя веҥым гармоньым, а Юля уныкам домр дене шоктеныт, – шарналта Ираида Петровна. – Тунам районысо чыла ял шотан илем посна программым ямдылен. Меат Волаксола ял шотан илемын эртарыме концертыштыже мастарлыкым ончыктенна.
Вес ийынже еш ансамбль М.Шкетан лӱмеш Марий национальный драме театрын сценышкыже лектын. Тушто Юрий Петрович Русановын шочмыжлан 50 ий теммылан пӧлеклалтше шарнымаш кас эртен. Туштат тӱмырым пералтен, гармонь сем почеш такмакым йоҥгалтареныт. Варажым ты коллектив сценыш пешыжак лектын огыл гынат, репертуарым пойдарашак тыршен.
– Шольымын шочмыжлан 55 ий темме лӱмеш мероприятий ӱмаште Морко тӱвыра пӧртыштӧ эртыш. Тудым порын шарнен, меат сценыш лекде ышна керт. Тунам Наташа ӱдырем уло ешыжге лийын: Оля, Вера уныкам-шамычат мемнан дене пырля муреныт, а Юля домрым шоктен. Олян Юрий Петровичын «Кава шортеш» почеламутшылан возымо мурым муралтымыжым зал калык шокшын вашлийын. Шольым тидым колеш гын, мутат уке, чот куана ыле, – кумылжо тодылалтме гай лие Ираида Владимирован.
Варажым ты коллективлан Морко районын делегацийже дене пырля Йошкар-Олаште эртаралтше регион-влак кокласе Пеледыш пайремышкат ушнаш ӱжмаш лийын. Поро кумылан, пашаче койышан да мураш-кушташ йӧратыше-влак туштат районын чапшым кӱшнӧ кучаш полшеныт.
– Ӱмаште идалык тӱрлӧ мероприятийлан поян лийын. Пеледыш пайрем деч вара «Ӱшӱт сем» да еш ансамбль дене У Торъялыште эртыше «Творцы и хранители» фестивальыште мастарлыкым ончыктенна, тӱрлӧ кочкышым ямдылен намиенна. «Эн сай национальный кухньо» номинацийыште кумшо степенян лауреат лийынна. Тыгай сеҥымаш, мутат уке, ончыкшым эшеат тыршаш кумылаҥда да кушкын толшо тукымым калык ончыко лукташ кӱлмым пеҥгыдемда, – палемдыш Наташа.
Н.Петрова Йошкар-Оласе 15-ше номеран «Ёлочка» йочасадыште воспитательлан тырша, тыгак кумылан-влакым кушташ туныкта. Тидлан тудо лӱмынак ешартыш шинчымашым налын. Паша деч вара ярсымеке, жапше лийме семын атлас, капрон тасма дене панном «тӱрла». Южгунамже Морко район Изнур тӱвыра пӧрт пеленысе «Ӱшӱт сем» ансамбльын репетицийышкыжат кудалеш. Тидланак кӧра икмыняр ий ончыч автомашинам виктараш тунемын.
Ираида Петровнан Наташа ӱдыржын ешыштыже чыланат усталык шӱлышан улыт. Садлан ансамбльым чумыраш нимо неле лийын огыл.
Наталья Петрова аваж семынак мураш-кушташ изинекак йӧратен. Йочасадыште ма школышто артист койышан улмыжым чылан паленыт, садлан верысе клуб пеленысе йоча ансамбльын ик эн чолга участницыже лийын.
– Икана марий йылме ден литературым туныктышо Зинаида Сергеевна Галкина ойлымаш почеш сценкым модын ончыкташ темлен. Йолташ-влак дене уло кумылын модынна, костюмымат шкеак ямдыленна. Тудым вес школышто ончыктышаш улына ыле, но трукышто черланымемлан кӧра каен кертын огынал, – ойла Наташа.
Школым тунем лекмекыже тудо И.С.Палантай лӱмеш тӱвыра да сымыктыш колледжыш хореографлан тунемаш пураш шонен. Но тӱрлӧ амаллан кӧра шонымашке шуын кертын огыл да ужалышылан тунемын лектын. Варажым Моркышто пашам ышташ тӱҥалын.
Тунамат Н.Петрова сценыш лекде чытен огыл да «Рвезылык ансамбльын коллективышкыже ушнен.
– Мемнан «Дружба» колхоз гыч тушто ик рвезе куштен. Тудак мыйым тиде ансамбльыш кушташ ӱжын. Туштак кужурак капан, шемалгырак ӱпан каче шинчашкем пернен. Володя – Кӧкрем гыч, тунам Морко РТП-ште (ремонтно-тракторный предприятий – авт.) пашам ыштен,– чонжым почо Наташа. – Ик жап гыч келшаш тӱҥалынна.
Самырык ӱдыр-каче ятыр куштымашым пырля куштеныт. Пел ий наре келшымеке, кок йӧратыше еҥ сӱаным ыштеныт. Варажымат нуно икмыняр жап ансамбльыште пырля куштеныт.
– Марлан мийымеке, мӧҥгыштышт икмыняр гармоньым, баяным ужынам да моткоч йывыртенам. Ачаже, кок изаже да шольыжо семӱзгарым шокташ тале лийыныт. Кажне пайремлан уло еш дене чумыргеныт, гармонь, баян почеш тӱрлӧ мурым муреныт, – сылне пагытшым шарналта Наталья.
– Вич ияшем годым ачамын гармоньым шоктымыжым ужынам да тудын гай мастар лияш шоненам. Воштончыш ваштареш шинчын, паҥгалам темдыштын, мурен-мурен шинченам: «Изи мечым чумена…», – мутланымашке ушныш гармоньчо Владимир Иванович. – Кок изамат гармоньым шокташ чот кертыт. Нунымак ончен, мыят тунемынам. Шольымат тидлан пеш кертеш.
Усталык шӱлышан самырык мужырым марий сӱаныш шуко гана ужыныт. Пӧръеҥ гармоньым шоктен гын, пелашыже сӱан вате лийын. Тиде сомыл Н.Петровалан моткоч келшен толеш – сӱан такмакым нимучашдымын пала, йӱкшат яндар, виян.
– Гармоньым шокташ, мурен-кушташ пеш йӧратем, садлан самырыкем годым пелашемат тыгаяк лийже ыле манын шоненам, – воштылеш Володя. – Наташан муралтымыж почеш семымат келыштараш куштылго.
Наталья ден Владимирын Юля ӱдырышт икымше классыш тунемаш кайыме жаплан ешге Йошкар-Олаш илаш кусненыт. Мураш йӧратыше ӱдыр Национальный президент школышто домрым шокташ тунемын. Варажым И.С.Палантай лӱмеш тӱвыра да сымыктыш колледжыште шинчымашым налын, тунамак «Марий кундем» семӱзгар оркестрыште домрым шоктен. Кызыт тудо Озаҥ оласе Н.Г.Жиганов лӱмеш консерваторийыште тунемеш.
Оля ӱдырышт мурашат, кушташат йӧрата. Йошкар-Оласе 14-ше №-ан гимназийыште тунеммыж годым «Изи памаш» ансамбльыш коштын. Кызыт тудо И.С.Палантай лӱмеш тӱвыра да сымыктыш колледжын «калык вокал» пӧлкаштыже тунемеш, мастарлыкшым мыняр гынат шуараш «Эрвел марий» ансамбльыш коштмыжат полша. А ме палена, ты коллективын участникше-влак шукерте огыл Моско ВДНХ-ште «Россий» выставке-форумышто лийыныт да Марий кундемнан чапшым араленыт. Нунын коклаште Оля лийын да тиде татым ик эн ушеш кодшылан шотла.
– Оля чыла вере мура, кушта. Чодыраш мийымекат, саскам поген, ведрамат эн ончыч тема, ты жапыштак куштенат, муренат, йыр куржталын савырненат шукта. Тудлан ӧраш веле кодеш, – ӱдыржын чолга улмыжым куанен каласкала ава. – Олян йӱкшӧ шуэн вашлиялтше, калык мурымат, эстраде мурымат мурен кертеш, маныт туныктышыжо-влак. Кызыт эше кӱслем шокташ тунемеш
Вера оласе 10-шо №-ан школышто тунемеш, мураш моткоч йӧрата. Профессонал семын кушкаш манын, тӱвыра да сымыктыш колледж пеленысе Йоча сымыктыш школышто тунемеш.
Теве тыгай тудо, Морко кундемын тале ӱдыр-эргыже-влакым чумырышо еш ансамбль – тӱрлӧ пайремыште ма фестивальыште але конкурсышто калык ончыко лектын, еш йӱлан ойыртемже дене палдара, тукымын мастарлыкшым ончыкта да лишыл еҥым йомдарымым порын шарна.

Мурымо такмакышт-влак кокла гыч икмынярже:
Ончаза-ян вуйышкем, ончалза-ян вуйышкем
Пеледышан шовычым пидынам.
Ончаза-ян тӧрышкем, ончалза-ян тӧрышкем
Поро родо-тукымем толыныт.

Икте ойла ик семын,
Весе ойла вес семын.
Еҥ шомакым она колышт,
Илена шкенан семын.